IMAN Invest –бу Ислом молияси қоидалари асосида сармоя қилиб, пулларни ҳалол тарзда кўпайтириш мумкин бўлган мобил илова.
Иловани App Store ва Play Market’дан юклаб олсангиз бўлади. Бу илова орқали сиз сармоя киритиб, пул тўплашингиз ва тўплаётган пулларингиздан йиллик 19-24%гача фойда олишингиз мумкин. Пулларингиз Ислом молиясидаги Музораба* шартномаси асосида бошқарилади ва савдога сарфланади.
*Икки томон ўртасидаги бизнес-шерикчилик бўлиб, бир томон шерикчиликка пул киритади ва иккинчи томон пулларни бошқаради.

IMAN Investорлардан қабул қилинган маблағларни товар ва хизматларнинг муддатли тўлов асосидаги савдосини молиялаштиришга сарфлайди. Яъни, инвесторларнинг пулларига IMAN’нинг ҳамкорларидан маиший техника, мебель, автомобиль эҳтиёт қисмлари, электроника, спорт буюмлари каби товарлар сотиб олинади.

IMAN пирамида ҳисобланмайди. Молиявий пирамидаларда бир инвесторнинг пуллари иккинчи инвесторга фойда сифатида тақсимлаб берилади. Яъни, бир инвесторнинг фойда олиши ундан кейин инвестиция киритадиган инвесторнинг инвестициясига боғлиқ бўлади. IMAN’да эса сармоялар товар ва хизматларнинг муддатли тўлов асосидаги савдосига йўналтирилади ва савдодан олинган соф фойда инвестор ва компания ўртасида бўлинади.

IMAN’нинг асосий мақсади - бу Ўзбекистонда рақамли исломий банк ташкил қилиш орқали
а) рибосиз жамият қуриш;
б) инвесторларга ҳалол даромад олиш имкониятини бериш;
c) мусулмонлар турмуш даражасини яхшилаш ва уларнинг асосий эҳтиёжларини ҳалол тарзда қондиришга ёрдам бериш;
д) Инсонларда пул тўплаш кўникмасини шакллантириш орқали, уй-машина сотиб олиш, бизнес бошлаш, ҳажга бориш каби йирик ва узоқ муддатли мақсадларига эришишларига ёрдам бериш.

IMAN инвесторлардан қабул қилинган маблағларни товар ва хизматларнинг муддатли тўлов асосидаги савдосини молиялаштиришга сарфлайди. Яъни, инвесторларнинг пулларига IMAN’нинг ҳамкорларидан маиший техника, мебель, автомобиль эҳтиёт қисмлари, электроника, спорт буюмлари каби товарлар сотиб олинади. Савдо фаолиятимзи билан imanpay.uz сайтида танишишингиз мумкин.

Қуйидаги ҳавола орқали ўтиб, ариза юборишингиз мумкин. Танловдан ўтган стартап эгалари билан боғланамиз: https://forms.gle/HGgnkb269ph3AJcf6

Айни вақтда кўчмас мулк савдосини молиялаштирмаяпмиз. Бу йўналиш йўлга қўйилса, барча тафсилотлар маълум бўлади.

Ҳа, умуман олганда мумкин. Лекин, бу йўналишни вақтинчалик тўхтатганмиз. Тез орада қайта йўлга қўямиз ва бу бўйича янгиликларни instagramдаги @imanavto каналимизда эълон қилиб борамиз.

Офисимиз Тошкент шаҳри, Лабзак кўчаси, 64А уйда жойлашган. IMAN компанияси мутахассислари билан учрашиш учун бизнинг колл-марказимиз ёки иловамиздаги чат орқали олдиндан учрашув белгилашингизни сўраймиз.

1) Android ёки iOS операцион тизимида ишлайдиган телефон
2) Биометрик паспорт ёки ID-карта

1) IMAN Invest иловасини Play Market ёки App Store’дан юклаб оласиз.
2)Телефон рақамингизни иловага киритасиз ва кейин телефон рақамингизга борган СМС-кодни иловага киритасиз.
3)Пластик картангизни улайсиз ва тегишли миқдорни киритасиз.
4)Шахсий маълумотларингизни киритасиз.

Ҳозирча фақат Ўзбекистон Республикаси фуқаролари сармоя қила оладилар.

Ҳозирча хорижий давлатлардан фақат Россия, Корея ва Америка рақамларига код боради. Агар сизнинг телефон рақамингиз шу 3 та давлатдан бирига тегишли бўлмаса, Ўзбекистондаги ишончли қариндошингизга тегишли телефон рақам билан рўйхатдан ўтишингиз мумкин.

Биометрик паспорт ёки ID-картага эга, камида 18 ёшга тўлган Ўзбекистон Республикаси фуқаролари дунёнинг исталган жойидан сармоя қила оладилар.

Ипотека банки ва унинг филиалларида – 0%
Бошқа банклар орқали - 1%+
IMAN Invest иловасида Ҳумо ва Uzcard карталари орқали – 1%
Асака банк иловасида исталган карта тури орқали – 0% ( Қўлланма )

Агар Сизда пластик карта бўлмаса, исталган банк орқали нақд пулда инвестиция киритишингиз мумкин. Бунинг учун Ипотека Банк ходимларига қуйидаги маълумотларни тақдим этишингиз керак:

Компания номи: КТ "IMAN HALAL INVESTMENTS KOMMANDITNOE TOVARISHESTVO"
Изоҳ: "Устав фондига қўйилма". СТИР: 307128450
Сўмда (UZS) сармоя киритиш учун: 2020 8000 2051 8157 4001
АҚШ долларида (USD) сармоя киритиш учун:
20208840 9051 8157 4003
Еврода (Euro) сармоя киритиш учун: 2020 8978 9051 8157 4001

"Ипотека банки" ва унинг филиаллари орқали инвестиция киритилганда ҳеч қандай қўшимча тўловлар ундирилмайди. Қуйидаги ҳаволада ўзингизга яқин филиальни топишингиз мумкин. https://www.ipotekabank.uz/uz/about/branches/

Ҳозирги вақтда VISA ва Mastercard карталари орқали ҳозирча сармоя киритиш имкони йўқ. Бундай имкониятни тез орада йўлга қўйишни режалаштирганмиз.

Ҳа, бўлади.

Ҳа, евро ва АҚШ долларида инвестиция қилсангиз бўлади.

Хорижий валютада инвестиция қилмоқчи бўлсангиз, Ипотека банкининг Яккасарой туманидаги филиалига мурожаат қилишингиз мумкин бўлади! Лекин биз хорижий валютада қўйган сармоянгизни Ўзбекистон қонунчилигига мувофиқ, Марказий банк курси бўйича сўмга конвертация қиламиз.Чунки, Ўзбекистон қонунчилигига кўра, бизнинг барча савдо ва бизнес жараёнларимиз сўмда амалга оширилади.

Йўқ, пулларни бошқаришга IMAN тўлиқ масъул ҳисобланади.

Россияга нисбатан қўлланилган санкциялар туфайли ҳозирча Россия банклари ва карталаридан инвестиция қилиш имконияти йўқ. Лекин, бирор яқин ва ишончли қариндошингизнинг пластик картасини IMAN Invest иловасига улаш орқали сармоя қилсангиз бўлади.

Ҳа, фақатгина Ўзбекистон фуқароси бўлсангиз! Агар хорижда бўлсангиз, қуйидаги усуллар орқали инвестиция киритишингиз мумкин.

Аввало, IMAN Invest иловасини App Store ёки Play Market’дан юклаб оласиз.
1. Агар пулингиз нақд шаклда бўлса, ўзингиз яшаб турган ҳудуддаги исталган банк орқали компания банк ҳисоб рақамига пул ўтказиш орқали инвестиция киритишингиз мумкин.
2. Paysend иловасидан Ўзбекистондаги қариндошларингизга тегишли uzcard/ҳумо карталарига пул ўтказиб, уни иловага улаш орқали.

• Энг кам 1-инвестиция миқдори 100 минг сўм. Энг кўп миқдор чекланмаган
• Исталган вақт 100 минг сўмдан бошлаб исталган миқдорда қўшимча сармоя қилиб бориш мумкин.
• 2022 йил апрел ойидан бошлаб инвестиция киритганлар йиллик фойда 19% -24% олиши кутилмоқда. Ренвестиция ҳисобга олинган.
• Фойдани ҳар ой чиқариб олиш мумкин.
• Қайта инвестиция (реинвестиция) - бу йиллик ёки ойлик фойдани чиқариб олмасдан, қайта инвестиция қилиш ҳисобланади.
• Маблағларни чиқариб олиш учун IMAN Invest иловаси орқали ариза юбориш керак бўлади. Шартномада белгиланган муддат тугаганда маблағлар чиқариб олинса, бу муддат тугаши билан тегишли давр учун ҳисобланган фойда инвестиция билан бирга инвестор ҳисобига тушириб берилади. Агар шартномада белгиланган муддат тугамасдан маблағлар чиқариб олинса, ариза юборилган кундан бошлаб 90 кун иш куни ичида инвестор ҳисобига тушириб берилади.

Инвестор фойдаси унинг пуллари савдода ишлаши орқали қанча фойда келтиришига боғлиқ. Чунки, инвестор ва IMAN компанияси савдодан олинадиган фойдага шерик бўладилар. Савдодан олинадиган фойда қуйидагиларга боғлиқ:
1. Савдонинг ҳажми савдо қанча кўп савдо булса, фойда шунча юқори бўлади ва аксинча
2. Тўловларнинг вақтида тўланиши - Тўловлар ўз вақтида ёки ундан олдинроқ тўланса, биз бу тўловларни ҳам янги савдоларга йўналтирамиз ва улар ҳам фойда келтира бошлайди, ва аксинча тўловлар қанча кечикса, шунча камроқ янги савдоларга уларни сармоя қиламиз ва камроқ фойда кўрамиз
3. Ҳаражатларнинг оптималлигига - биз барча ҳамкорларимиз билан ҳамкорлик шартларини синчковлик билан ўрганиб чиқамиз ва энг юқори фойда келтирадиган савдоларга инвестицияларни йўналтирамиз.

Фойдани 100% кафолатлаш Ислом Молияси қоидаларига зид ҳисобланади. Чунки, келажакда айнан шунча фойда оласиз деб айтиш келажакни башорат қилиш ҳисобланади ва инсон қобилиятларидан ташқари ишдир. Аммо, биз ўтган ойларда инвесторларимиз олган фойда, савдо бўйича ютуқ ва камчиликларимизни таҳлил қилган ҳолда 1 йилдан кейин олишимиз кутилаётган (прогноз қиилинаётган) фойда миқдорини айтамиз.

Маблағларингиз инвестиция киритилган кундан бошлаб савдога йўналтирилади ва инвестиция киритилган ойдан кейинги ойнинг 1-кунидан бошлаб фойда ҳисоблана бошлайди. Фойда ҳисоблана бошлаган ой якунида фойда ҳисоблаб чиқилади ва навбатдаги ойнинг 20-25-санасида иловада кўринади. Чунки, бизнинг тизимимизга кўра муддатли тўлов савдоси бўйича тўловлар 1 ойдан сўнг ҳисобимизга келиб тушишни бошлайди. Масалан, 1-31- май орасида киритилган инвестициялар учун 1- июндан бошлаб фойда ҳисоблана бошлайди. Июль ойининг 20-25-санасида июнь ойи учун ҳисобланган фойда иловада кўрина бошлайди.

Зарар тижоратнинг ҳаражатлари унинг фойдасидан кўпроқ бўлганда вужудга келади.
Масалан:
• Савдо камайганда
• Тўловлар ўз вақтида амалга оширилмаганда

a) Инвесторлар сармоялари миқдори доирасида зарар кўрадилар. Зарар эса инвесторларга уларнинг компания устав фондидаги улушига асосан тақсимланади.
IMAN шерикчиликка сармоя киритмаганлиги учун кўрилган зарар IMAN'га тақсимланмайди ва IMAN меҳнати, вақти, транзаксион ҳаражатлар, ходимларга тўланган ойликлар каби ҳаражатлари ҳисобига зарар кўради. Ислом молиясида шундай қоида бор: Ким бизнесга қандай ресурс сарфласа, зарарни сарфляган ресурси доирасида зиммасига олиши керак. Масалан, сиз 10 000 000 сўм инвестиция киритдингиз ва компания устав фондида 0,01% улушга эга бўлдингиз(яъни, 10 млн сўм инвестициянгиз жами инвестицияларнинг 0,01%ини ташкил этди) ва 4 млн зарар кўрилди деб тасаввур қилсак, сиз зиммангизга оладиган зарар миқдори 4 000 000 х 0,01% = 400 сўм бўлади.

1) Фойдани чиқариб олиш
Фойдани ҳар ой чиқариб олиш мумкин. Бунинг учун Иловада фойдани чиқариш тугмасини ёқиб қўйиш керак. Жорий ойнинг фойдаси навбатдаги ойнинг охиригача фақат ўзингизнинг номингизга
очилган пластик картангизга тушириб берилади. Масалан, май ойининг фойдаси июнь ойининг охиригача картага тушириб берилади.

2) Асосий сармояни чиқариб олиш

Асосий сармояни чиқариб олиш учун IMAN Invest иловаси орқали ариза юбориш керак бўлади. Ариза тасдиқланган кундан бошлаб инвесторлик муддати тугаганларга 15-25 кунда, инвесторлик муддати тугумаганларга ўртача 45-60 кунда, узоғи 90 иш кунида фақат ўзингизнинг номингизга очилган пластик картангизга тушириб берилади.

Инвесторлар сармояни чиқаришга ариза беришган вақтда уларнинг пуллари савдода ишлаб турган бўлади. Пулни савдодан чиқариш, инвесторлик муддати бўйича фойдани ҳисоблаш ва инвесторни Давлат хизматлари марказида инвесторлар рўйхатидан чиқаришга вақт керак бўлади. Шу сабабли ўртача 45-60 кун, узоғи 90 иш кунида чиқарилади.

Бизнинг асосий фаолиятимиз савдо-сотиқ бўлиб, бу йўналишда фаолият юритиш давлат лицензиясини талаб этмайди. Бу ҳавола орқали ўтиб, IMAN компанияси ҳақиқатан ҳам Ўзбекистон Республикасида рўйхатдан ўтганлигига ишонч ҳосил қилишингиз мумкин: https://orginfo.uz/organization/fa10f6ab2b23

IMAN 3 та юридик шахсдан ташкил топган:
1. IMAN Group LTD - Сингапур давлатида рўйхатдан ўтган МЧЖ’нинг таъсисчи ва бошқарувчисидир
2. Коммандит Ширкати (Фонд) КТ "IMAN HALAL INVESTMENTS KOMMANDITNOE TOVARISHESTVO" - шу ерга инвесторлар маблағлари келади ва асосий савдо фаолияти юритилади. Шунингдек инвесторлар шу КТ’нинг таъсисчилари бўлиб рўйхатдан ўтказилади.
3.МЧЖ "IMAN HALAL INVESTMENTS" (Бошқарувчи компания) Бу компания КТ нинг бошқарув компанияси бўлиб, ширкатнинг фаолиятини бошқариб боради.

Инвесторларнинг ҳуқуқларини бир нечта усул билан ҳимоялаймиз. Масалан:

а) Сармояни фақатгина банк ёки тўлов тизимлари (уларнинг ортида хам банклар туради) орқали қабул қилиниши. Бу инвесторининг инвестиция киритганлиги ҳақидаги маълумотлар тарихи расмий ташкилотлар томонидан қайд қилиб борилишини ва компания давлат ташкилотлари билан ҳамкорликда ишлашини англатади.

б) Ҳар бир инвестор Адлия Вазирлиги қошидаги Давлат Хизматлари агентлигидан компания таъсисчиси сифатида рўйхатдан ўтказилади. Шундан кейин, IMAN Invest иловаси орқали электрон шаклда инвесторлик сертификати берилади.
Бу сертификат инвесторлар давлат рўйхатида туришини, IMAN Invest билан шериклик қилиш расмий ва олинадиган даромад эса қонуний эканлигини англатади.Бу ҳар бир инвестор ва IMAN ўртасидаги муносабатлар қонунийлигини бевосита давлат органлари тасдиқлашини ва инвестор ҳуқуқларини қонун доирасида ҳимоя қилишини англатади.
б)Ислом молияси соҳасида 20+ йиллик тажрибага эга, INCEIF Халқаро Ислом молияси универститети профессори Др. Зияад Муҳаммад раҳбарлигидаги Шариат Кенгаши томонидан компания фаолияти Ислом Молияси қоидаларига жавоб бериши доимий назорат қилиб борилади.

Ҳа бундай қилсангиз бўлади. Ва бу сиз учун ҳам, биз учун ҳам хайрли иш бўлади. Фақатгина банк депозитига киритган асосий пулингизни IMAN'га сармоя қилсангиз мақсадга мувофиқ бўлади ва олинган фоиз даромадингизни садақага берсангиз маъқул.
Бироқ, агар сиз буни қила олмасангиз, Галабаҳ ("аксариятни қўллаш") қоидаси ишлайди. Унга кўра барча маблағларни қабул қилса бўлади, агар уларнинг аксарият қисми яъни 67% + ҳалол ҳисобланса.

Биз банк билан фақат тўловларни қабул қилиш ва чиқариш учун ҳамкорлик қиламиз.

Йўқ, бу турдаги сармоя тақиқланади.

Жоиз, чунки бу ҳолатда банк тўловларни қабул қилиш ва чиқариш бўйича вакилимиз бўлгани учун хизмат ҳақи тўлаймиз.

Тўғри, банк корхоналарнинг ушбу банкда очилган жорий ҳисоб рақамларидаги маблағлари қолдиғидан фойдаланади. Ва идеал ҳолда, банк фоиз ставкалари бўйича операцияларда фойдалана олмаслиги учун ислом банкида ҳисоб рақамлари очилиши керак. Бироқ, Ўзбекистонда ҳали бирорта ҳам ислом банки мавжуд эмас.Шундай экан, Ислом молияси ва ислом банклари тўғрисида қонун чиқмагунича, биз исломий молия билан умуман шуғулланмаслик ўрнига Таназул тамойили - "истисно" тамойили асосида ишлашимиз керак бўлади. Бунга рухсат фатво билан бирга бизнес моделимизни тўлиқ ўрганиб чиқилган ҳолда берилган.

IMAN компанияси қуйидаги олимлар ва ташкилот томонидан фатволарга эга:
1. Ўзбекистон Мусулмонлари Идораси
2. Малайзиядаги INCEIF Халқаро Ислом Молияси Университети профессори, Ислом молиясида 20+ йиллик тажрибага эга олим, дунё бўйича бир неча Шариат кенгашлари раиси Доктор Зияд Муҳаммед томонидан фатво берилган.

Бундан ташқари, Др.Зияд Муҳаммад раҳбарлигидаги Шариат Кенгаши компания фаолияти Ислом молияси қоидаларига мос тарзда олиб бораётганлигини доимий назорат қилиб боради.
3. Тошкент Ислом универститети катта устози Муҳаммад Аюбхон домла Ҳамидов

Бу фоиз ҳисобига фойда олиш ҳисобланмайди. Сабаби, сизнинг маблағингиз тижоратга - маҳсулотларнинг насия савдосига йўналтирилади. Яъни, маҳсулотлар 100 сўмга ва/ёки муайян чегирма билан сотиб олиниб, 120 сўмга сотилади. 20 сўм устамадан солиқ ва бошқа ҳаражатлар айириб юборилгандан кейин қолган соф фойда инвесторлар ва IMAN ўртасида тақсимланади. Яъни фойда 100% тижоратдан олинади.

Ислом молиясида фоиз эмас, рибо қораланган. Фоиз - бу рибо эмас. Фоиз - бу ҳисоб-китоб қилишда ишлатиладиган оддий ўлчов бирлиги холос.
Бирор соҳанинг рибовий ёки рибосиз дейиш учун ўша фаолиятнинг турига ва унда ишлатиладиган шартнома турларига қараб хулоса қилинади.
Масалан, IMAN ва банкнинг ишлаш усулини оладиган бўлсак, IMAN’нинг фаолияти савдо билан боғлиқ, яъни товар ва хизматлар савдоси. IMAN‘да фойда ҳам савдодан келади. Банкнинг фаолияти эса қарз олиш ва қарз бериш билан боғлиқ, фойда ҳам қарз олди-бердиси, яъни пул савдосидан келади. Ислом молияси қоидаларига кўра, товар ва хизматлар савдоси билан шуғулланишга рухсат берилган. Қарз олди-берди қилиш эвазига фойда олиш эса тақиқланади.
Бундан хулоса қилсак бўладики, фоиз белгисини ишлатилиши бирор соҳада рибо бор-йўқлигини белгиламайди. Фақатгина пулингизни қаерга ва қандай сарфланишига қараб ҳукм қилиш мумкин.

Музораба - шерикчиликнинг бир кўриниши бўлиб, бунда 2 та томон иштирок этади.
1-томон маблағи билан инвестор сифатида иштирок этади ва 2- томон меҳнати, билими билан иш бошқарувчи(IMAN) сифатида иштирок этади ва инвесторнинг маблағларини бошқаради.

Зарар эса инвесторларга уларнинг компания устав фондидаги улушига асосан тақсимланади. IMAN шерикчиликка сармоя киритмаганлиги учун кўрилган зарар IMAN'га тақсимланмайди ва IMAN меҳнати, вақти, транзакцион ҳаражатлар, ходимларга тўланган ойликлар каби ҳаражатлари ҳисобига зарар кўради. Ислом молиясида шундай қоида бор: Ким бизнесга қандай ресурс сарфласа, зарарни сарфлаган ресурси доирасида зиммасига олиши керак. Масалан, сиз 10 000 000 сўм инвестиция киритдингиз ва компания устав фондида 0,01% улушга эга бўлдингиз, 4 млн зарар кўрилди деб тасаввур қилсак, сиз зиммангизга оладиган зарар миқдори 4 000 000 х 0,01% = 400 сўм бўлади